YSR Praja News :
తాడిపత్రిలో మరోసారి ఉద్రిక్త పరిస్థితులు నెలకొన్నాయి. వైఎస్సార్ కాంగ్రెస్ పార్టీ సీనియర్ నాయకుడు, మాజీ ఎమ్మెల్యే కేతిరెడ్డి పెద్దారెడ్డి విషయంలో పోలీసులు అత్యుత్సాహం ప్రదర్శించారు. వివాహ కార్యక్రమానికి వెళ్తున్న పెద్దారెడ్డిని పోలీసులు అడ్డుకోవడంతో పరిస్థితి ఉద్రిక్తంగా మారింది.
వివరాల ప్రకారం, తాడిపత్రి పట్టణంలోని పుట్లూరు రహదారిలో పెద్దారెడ్డి వాహనాన్ని పోలీసులు ఆపారు. ఈ పరిణామంపై ఆగ్రహం వ్యక్తం చేసిన పెద్దారెడ్డి మాట్లాడుతూ, “తాను వివాహానికి హాజరవుతున్నట్టు ముందుగానే పోలీసులకు లేఖ ద్వారా సమాచారం ఇచ్చినా ఎందుకు అడ్డుకుంటున్నారు?” అంటూ మండిపడ్డారు.
పోలీసుల చర్యలతో వైఎస్సార్సీపీ శ్రేణుల్లో ఆగ్రహం వ్యక్తమవుతోంది. తాడిపత్రిలో మరోసారి రాజకీయ ఉద్రిక్తత తలెత్తింది.
