YSR Praja News : తాడేపల్లి: అమరావతి పేరుతో చంద్రబాబు ప్రజలను దోచుకుంటున్నారని వైఎస్సార్సీపీ సీనియర్ నేత, మాజీ మంత్రి అంబటి రాంబాబు తీవ్ర విమర్శలు చేశారు. శనివారం తాడేపల్లిలోని పార్టీ కేంద్ర కార్యాలయంలో ఆయన మీడియాతో మాట్లాడుతూ.. అమరావతికి అసలైన విలన్ చంద్రబాబేనని ఒకింత వ్యంగ్యంగా వ్యాఖ్యానించారు.

అంబటి రాంబాబు పేర్కొన్న విషయాలు ఇలా ఉన్నాయి:

🔹 భూసేకరణలో భారీ దోపిడీ

ఇప్పటికే 54,000 ఎకరాలు సేకరించినా, వాటికి ఇంకా పూర్తిస్థాయి రిటర్నబుల్ ప్లాట్లు ఇవ్వలేదని ఆరోపించారు.

ఇప్పుడు రెండో విడతలో 16,666 ఎకరాలు, మూడో విడతలో మరో 25,000 ఎకరాలు తీసుకునే ప్రయత్నం జరుగుతోందని తెలిపారు.

“భూములు ఇచ్చిన రైతులను అవమానపరుస్తున్నారు. త్యాగధనులని పొగిడిన వాళ్లే ఇప్పుడు రైతులను పనికిమాలినవాళ్లలా చూస్తున్నారు” అన్నారు.

🔹 నిర్మాణం పేరుతో నాటకం

“రాజధానిని సీరియల్ కథలా లాగడమే చంద్రబాబు ప్లాన్” అని అంబటి వ్యాఖ్యానించారు.

అమరావతిలో నిర్మించినవి అన్నీ తాత్కాలిక భవనాలేనని, ఒక్క శాశ్వత నిర్మాణం కూడా లేదని అన్నారు.

తాత్కాలిక అసెంబ్లీ భవనానికే ₹700 కోట్లు ఖర్చు చేయడం చంద్రబాబు చేతకానితనానికి, దోపిడీకి నిదర్శనమని పేర్కొన్నారు.

🔹 భారీ అప్పులు – చిన్న టెండర్లు

ప్రపంచం చుట్టు తిరిగి భారీ అప్పులు తెచ్చుకుని, చివరికి కేవలం ₹3,000 కోట్లు విలువైన టెండర్లు మాత్రమే పిలవడం దారుణమని అంబటి విమర్శించారు.

“రాజధాని కోసం తీసుకొచ్చిన వేల కోట్లలో భారీ కమీషన్లు కొట్టేశారు” అంటూ ఆరోపించారు.

🔹 పల్లపు ప్రాంతంలో రాజధాని – ముంపు ప్రమాదం

అమరావతి పల్లపు ప్రాంతం కావడం వల్ల వరద ముప్పు ఉందని, నది నుంచి నీటిని ఎత్తి పంపడం వంటి పరిస్థితి ఎక్కడా లేనిదని అన్నారు.

ప్రజలకు న్యాయం చేయకుండా భూములు లాక్కోవడం అన్యాయమని రైతులకు ఆయన హామీ ఇచ్చారు.

—

🔸 పవన్ కళ్యాణ్‌పై అంబటి ప్రసంగం

అంబటి రాంబాబు పవన్ కళ్యాణ్‌ను కూడా కఠినంగా విమర్శించారు.

“డిప్యూటీ సీఎంకి సరైన భద్రత కూడా ఇవ్వలేని పరిస్థితి. అపరిచితుడు వచ్చాడని ఫిర్యాదు చేయడం సిగ్గుచేటు.”

పవన్ కళ్యాణ్ రాజకీయాలను కామెడీలా తీసుకుంటున్నారని, సీరియస్ రాజకీయాలకు ఆయన సరిపోరని అంబటి వ్యాఖ్యానించారు.

“పవన్ ఒక డీఎస్పీని అవినీతి పరుడు అంటారు.. కానీ ఆ డీఎస్పీకే చంద్రబాబు అవార్డులు ఇచ్చారు. ఇది పవన్ పరిస్థితి” అని ఎద్దేవా చేశారు.