YSR Praja News: అహ్మదాబాద్ వేదికగా వెస్టిండీస్‌తో జరుగుతున్న తొలి టెస్టులో టీమిండియా బలమైన స్కోరు దిశగా పయనిస్తోంది. తొలి రోజు ఆట ముగిసే సమయానికి భారత్ 2 వికెట్ల నష్టానికి 121 పరుగులు చేసింది. యశస్వి జైస్వాల్ (36), సాయి సుదర్శన్ (7) ఔటయ్యారు. కేఎల్ రాహుల్ అర్ధశతకంతో (53 నాటౌట్), శుభ్మన్ గిల్ (18 నాటౌట్) క్రీజులో ఉన్నారు.
ఇక అంతకుముందు టాస్ గెలిచి బ్యాటింగ్ చేసిన వెస్టిండీస్ జట్టు 162 పరుగులకే ఆలౌటైంది. భారత బౌలర్లలో సిరాజ్ (4 వికెట్లు), బుమ్రా (3), మరో ఇద్దరు తలో వికెట్ తీసి విండీస్ బ్యాటింగ్ లైన్‌అప్‌ను కుప్పకూల్చారు.
విండీస్ తరఫున జస్టిన్ గ్రీవ్స్ 32 పరుగులతో టాప్ స్కోరర్‌గా నిలిచాడు. అతనితో పాటు రోస్టన్ ఛేజ్ (24), షాయ్ హోప్ (26), అలిక్ అథనాజ్ (12), బ్రాండన్ కింగ్ (13) మాత్రమే రెండంకెల స్కోర్లు చేశారు. మిగతా ఆటగాళ్లు విఫలమయ్యారు.
భారత వికెట్‌కీపర్ ధృవ్ జురెల్ ఈ ఇన్నింగ్స్‌లో నాలుగు క్యాచులు అందుకున్నారు. ప్రస్తుతం భారత్, విండీస్ స్కోరుకంటే ఇంకా 41 పరుగులు వెనుకబడి ఉంది.
రెండు టెస్టుల సిరీస్‌లో ఇది తొలి మ్యాచ్ కావడం గ
మనార్హం.
