YSR Praja News : ఆలంపూర్: ఆలంపూర్ జోగులాంబ అమ్మవారిని వైఎస్ఆర్సిపి సిద్ధిపేట జిల్లా అధ్యక్షుడు, ప్రపంచ ఆర్యవైశ్య మహాసభ ఉపాధ్యక్షుడు తడక జగదీశ్వర్ గుప్తా దంపతులు శుక్రవారం దర్శించుకున్నారు.
ఈ సందర్భంగా విలేకరులతో మాట్లాడుతూ ఆయన, “ఆంధ్రప్రదేశ్‌లో ప్రభుత్వ అక్రమాలను ప్రశ్నిస్తే సాక్షి పత్రిక ఎడిటర్, విలేకరులపై తప్పుడు కేసులు పెట్టి వేధిస్తున్నారని” తీవ్రంగా విమర్శించారు. ప్రజాస్వామ్య వ్యతిరేక చర్యలు ఎంత జరిగినా, ప్రజల గొంతుకను ఎవరూ ఆపలేరని స్పష్టం చేశారు.
అలాగే ఏపీలో పోలీసులు కూటమి నాయకులు, వైఎస్ఆర్సిపి కార్యకర్తలపై అక్రమ కేసులు పెట్టి బెదిరింపులకు పాల్పడుతున్నారని ఆరోపించారు. “కూటమి పెట్టే కేసులకు ఎదురొడ్డి నిలబడటానికి నాయకులు, కార్యకర్తలకు అమ్మవారు మనోధైర్యాన్ని ఇవ్వాలని ప్రార్థించాం” అని అన్నారు.
ఇకపుడు సాక్షి మీడియాపై జరుగుతున్న దాడులు కూడా ప్రజాస్వామ్యానికి ప్రమాదకరమని పేర్కొంటూ, రాబోయే ఎన్నికల్లో ప్రజలే బుద్ధి చెబుతారని, మాజీ సీఎం వైఎస్ జగన్మోహన్ రెడ్డి మళ్లీ సీఎం అవుతారని ధీమా వ్యక్తం చేశారు.
ఈ కార్యక్రమంలో గజ్వేల్ నియోజకవర్గ ఇంచార్జ్ మేదిన రామలింగారెడ్డి కూడా పాల్గొన్నారు.
