YSR Praja News : తాడేపల్లి: మహాత్మా జ్యోతిరావ్ పూలే వర్ధంతి సందర్భంగా వైఎస్సార్సీపీ అధ్యక్షుడు, మాజీ ముఖ్యమంత్రి వైఎస్ జగన్మోహన్రెడ్డి ఆయనకు ఘనంగా నివాళులర్పించారు.
మహిళల విద్యను నేరంగా భావించిన కాలంలోనే వారికి విద్యా హక్కును కల్పించిన మహోన్నత వ్యక్తిగా పూలేను వైఎస్ జగన్ కొనియాడారు. తన సతీమణి సావిత్రీబాయిని చదివించి దేశంలోనే తొలి మహిళా ఉపాధ్యాయురాలిగా తీర్చిదిద్దిన దార్శనికుడు జ్యోతిరావ్ పూలే అని ఆయన పేర్కొన్నారు.
ఈ సందర్భంగా వైఎస్ జగన్ సోషల్ మీడియా వేదికగా స్పందిస్తూ, “సామాజిక సమానత్వం కోసం జీవితాన్ని అంకితం చేసిన మహనీయుడు జ్యోతిరావ్ పూలే. ఆయన సేవలు చిరస్మరణీయం” అని ట్వీట్ చేశారు.
ఇదే సమయంలో తాడేపల్లిలోని వైఎస్సార్సీపీ కేంద్ర కార్యాలయంలో జ్యోతిరావ్ పూలే వర్ధంతి కార్యక్రమాన్ని ఘనంగా నిర్వహించారు. పూలే విగ్రహానికి పార్టీ నేతలు పూలమాలలు వేసి నివాళులర్పించారు.
ఈ కార్యక్రమంలో ఎమ్మెల్సీ లేళ్ల అప్పిరెడ్డి, విజయవాడ మేయర్ రాయని భాగ్యలక్ష్మి, మంగళగిరి ఇన్‌చార్జి దొంతిరెడ్డి వేమారెడ్డి సహా పలువురు పార్టీ నేతలు పాల్గొ
న్నారు.
