సెప్టెంబర్ 29న దాఖలైన ఈ పిటిషన్‌పై సోమవారం జస్టిస్ విక్రమ్ నాథ్, జస్టిస్ సందీప్ మెహతాల ధర్మాసనం విచారణ జరపనుంది. తెలంగాణ ప్రభుత్వం స్థానిక సంస్థల ఎన్నికల్లో బీసీలకు 42 శాతం రిజర్వేషన్లు అమలు చేయాలని నిర్ణయించిందని, ఇది సుప్రీంకోర్టు నిర్దేశించిన 50 శాతం పరిమితిని ఉల్లంఘించడమేనని పిటిషన్లో పేర్కొన్నారు.
అంతేగాక స్థానిక సంస్థల ఎన్నికలపై తెలంగాణ హైకోర్టు ఇటీవల ఇచ్చిన ఉత్తర్వులను కూడా గోపాల్రెడ్డి సవాల్ చేశారు. గతంలో సుప్రీంకోర్టు ఇచ్చిన తీర్పు ప్రకారం ఏ వర్గానికైనా కల్పించే రిజర్వేషన్లు మొత్తం 50 శాతానికి మించకూడదని స్పష్టం చేసిన నేపథ్యంలో, ఈ కేసు విచారణపై రాష్ట్రవ్యాప్తంగా ఆసక్తి నెలకొంది.
