YSR Praja News : నెల్లూరు జిల్లా: రాష్ట్రంలో శాంతి భద్రతల పరిస్థితి రోజురోజుకూ క్షీణిస్తున్నదనే మరో నిదర్శనం ప్రజా ఉద్యమకారుడు పెంచలయ్య హత్య అని వైఎస్సార్సీపీ నేత, మాజీ మంత్రి కాకాణి గోవర్ధనరెడ్డి తీవ్రమైన విమర్శలు చేశారు. శనివారం మీడియాతో మాట్లాడిన ఆయన, మాదకద్రవ్యాల వ్యాపారాన్ని అరికట్టేందుకు పోరాటం కొనసాగిస్తున్న వ్యక్తిని లక్ష్యంగా చేసుకొని హత్య చేయడం దారుణమని పేర్కొన్నారు.
కాకాణి మాట్లాడుతూ…
“డ్రగ్ మాఫియాకు వ్యతిరేకంగా స్వరం వినిపించినందుకే పెంచలయ్యను తొలగించారు. హత్య చేసిన నిందితులు తిరిగి పోలీసులపైనా దాడికి దిగడం పరిస్థితి ఎంత దారుణంగా మారిందో చెబుతోంది” అన్నారు.
డ్రగ్స్ మాఫియాకు పోలీసులే లక్ష్యం అవుతున్నా, సాధారణ ప్రజల భద్రత ఏ స్థితిలో ఉందో ప్రభుత్వం ఆలోచించాలన్నారు.
అతను ఇంకా పేర్కొంటూ
“ఏపీని గంజాయి, డ్రగ్స్ హబ్‌గా మార్చింది చంద్రబాబు పాలనే. వంద రోజుల్లో గంజాయి నిర్మూలిస్తానన్న ఆయన… నేడు 555 రోజులు అయినా పరిస్థితి మరింత దిగజారింది. శాంతి భద్రతల విషయంలో కూడా ప్రభుత్వం ప్రజలను మోసం చేస్తోంది” అని వ్యాఖ్యానించారు.
లోకేష్ ఆధ్వర్యంలో ఏర్పాటు చేసిన సబ్ కమitee అసలు ఏం వెలుగులోకి తెచ్చిందో స్పష్టం చేయాలని డిమాండ్ చేశారు.
**“విశాఖను కేంద్రంగా చేసుకుని దేశాల మధ్య డ్రగ్స్ రవాణా జరుగుతున్నా, నిఘా వర్గాలు మాత్రం రాజకీయ కక్షసాధింపుకే పరిమితమయ్యాయి. విదేశీయులు వచ్చి రాష్ట్రంలో మాదకద్రవ్యాల సరఫరా చేస్తుంటే చూడటమే తప్ప చర్య ఏమీ లేద”**ని కాకాణి
మండిపడ్డారు.
