YSR Praja News Telugu : వికారాబాద్: ఊరెంటి తండా గ్రామంలో దీర్ఘకాలంగా అపరిష్కృతంగా ఉన్న మౌలిక సదుపాయాల సమస్యలను తక్షణమే పరిష్కరించాలని కోరుతూ వికారాబాద్ జిల్లా కలెక్టర్ శ్రీ దీపక్ తివారీకి గ్రామ ప్రజాప్రతినిధులు ఈ రోజు (సోమవారం) వినతిపత్రం (మెమొరాండం) సమర్పించారు. మాజీ ఎంపీటీసీ ధన్ సింగ్ ఆధ్వర్యంలో పలువురు గ్రామ నాయకులు వికారాబాద్ జిల్లా కలెక్టర్ కార్యాలయానికి వెళ్లి ఈ మేరకు కలెక్టర్ను స్వయంగా కలిసి తమ సమస్యలను వివరించారు.
వినతిపత్రంలో పేర్కొన్న ప్రధాన సమస్యలు ఇవే:
శిథిలావస్థలో ప్రాథమిక పాఠశాల: గ్రామంలోని ప్రైమరీ స్కూల్ భవనం పూర్తిగా శిథిలావస్థకు చేరుకుందని, విద్యార్థుల భద్రత దృష్ట్యా తక్షణమే నూతన తరగతి గదులను నిర్మించాలని కోరారు.
మౌలిక వసతుల కల్పన: పాఠశాల విద్యార్థుల సౌకర్యార్థం మధ్యాహ్న భోజన వంటశాల (కిచెన్ షెడ్), బాలబాలికలు మరియు ఉపాధ్యాయుల కోసం ప్రత్యేకంగా స్త్రీ, పురుష మరుగుదొడ్లు నిర్మించాలి. అలాగే త్రాగునీటి కోసం పాఠశాల ఆవరణలో కొత్త బోర్ వెల్ వేయించాలి.
అంగన్వాడీ భవనం: గ్రామంలో అంగన్వాడీ కేంద్రానికి శాశ్వత భవనాన్ని మంజూరు చేయాలి.
సీసీ రోడ్లు, డ్రైనేజీలు: గ్రామ వీధుల్లో బురదమయంగా ఉన్న రహదారుల స్థానంలో సీసీ రోడ్లు వేయాలని, మురుగునీరు సాఫీగా పోయేందుకు మురుగు కాలువల (డ్రైనేజీ) నిర్మాణం చేపట్టాలి.
విద్యుత్ మరియు పారిశుద్ధ్యం: ప్రమాదకరంగా ఉన్న పాత విద్యుత్ స్తంభాలను తొలగించి కొత్తవి ఏర్పాటు చేయాలి. అలాగే గ్రామ పారిశుద్ధ్య పనులను మెరుగుపరచడానికి తక్షణమే మల్టీ పర్పస్ వర్కర్లను (బహుళ ప్రయోజన కార్మికులను) నియమించాలి.
గ్రామ అభివృద్ధికి ఆటంకంగా మారిన ఈ సమస్యలపై కలెక్టర్ సానుకూలంగా స్పందించి, సంబంధిత అధికారులకు తగిన ఆదేశాలు జారీ చేయాలని నాయకులు విజ్ఞప్తి చేశారు. గ్రామీణ విద్యార్థుల భవిష్యత్తును దృష్టిలో ఉంచుకుని పాఠశాల సమస్యలను ప్రాధాన్యత క్రమంలో పరిష్కరించాలని కోరారు.
పాల్గొన్న ప్రతినిధులు:
జిల్లా కలెక్టర్ను కలిసిన వారిలో మాజీ ఎంపీటీసీ ధన్ సింగ్ గారితో పాటు, గ్రామ ఉపసర్పంచ్ రతన్, వార్డు మెంబర్ గోపాల్, కారోబార్ రవి నాయక్ తదితరులు పాల్గొన్నా
