స్పీకర్ నోటీసులపై ఉత్కంఠ.. గడువు ముగిసినా సమాధానం లేని ఎమ్మెల్యేలు

YSR Praja News : హైదరాబాద్: ఎమ్మెల్యేలు కడియం శ్రీహరి, దానం నాగేందర్‌కు అసెంబ్లీ స్పీకర్ ప్రసాద్‌కుమార్ జారీ చేసిన నోటీసుల గడువు ఆదివారం నాటికి ముగిసింది. అయితే నిర్ణీత సమయంలో ఇద్దరు కూడా అధికారికంగా ఎలాంటి లిఖితపూర్వక సమాధానం ఇవ్వలేదు.

ఈ నేపథ్యంలో, మరింత సమయం ఇవ్వాలంటూ కడియం శ్రీహరి ఈ నెల 21న స్పీకర్‌ను వ్యక్తిగతంగా కలిసి వినతిపెట్టినట్లు సమాచారం. అయితే ఆ విజ్ఞప్తిపై స్పీకర్ నుంచి ఇప్పటివరకు అధికారిక స్పందన వెలువడలేదు.

ఇక దానం నాగేందర్ కూడా ఫోన్ ద్వారా స్పీకర్‌ను సంప్రదించి గడువు కోరినట్లు రాజకీయ వర్గాల్లో చర్చ జరుగుతోంది. ఈ క్రమంలో శనివారం ఉదయం మంత్రుల నివాస సముదాయంలో మంత్రి దుద్దిళ్ల శ్రీధర్ బాబుతో దానం నాగేందర్ భేటీ కావడం రాజకీయంగా ఆసక్తికరంగా మారింది. నోటీసులపై ఎలా స్పందించాలనే అంశమై ఈ సమావేశంలో చర్చ జరిగినట్లు తెలుస్తోంది.

ఇద్దరు ఎమ్మెల్యేలపై కొనసాగుతున్న వ్యవహారం నేపథ్యంలో ఇక స్పీకర్ ఎలాంటి నిర్ణయం తీసుకుంటారన్న అంశంపై రాజకీయ వర్గాల్లో ఉత్కంఠ నెల

కొంది.

రైతులకు అన్యాయం – చంద్రబాబు సర్కార్‌పై వైఎస్ జగన్ సంచలన వ్యాఖ్యలు

YSR Praja News. : తాడేపల్లి: రైతుల కష్టాలను పూర్తిగా విస్మరించి, కేవలం ప్రకటనలతో కాలం వెలదీస్తున్నారంటూ కూటమి ప్రభుత్వంపై వైఎస్సార్సీపీ అధ్యక్షుడు, మాజీ ముఖ్యమంత్రి వైఎస్ జగన్మోహన్ రెడ్డి తీవ్ర ఆగ్రహం వ్యక్తం చేశారు. పంటల ధరలు రికార్డు స్థాయిలో పడిపోతున్నా, ముఖ్యమంత్రి చంద్రబాబు నాయకత్వంలోని ప్రభుత్వం రైతులవైపు కనీసం చూపు కూడా పెట్టడం లేదని విమర్శించారు.

రైతులు ఆర్థికంగా చితికిపోతున్న పరిస్థితుల్లో, వారికి అండగా నిలవాల్సిన ప్రభుత్వం మాత్రం రాజకీయ ప్రచారాలకు ప్రాధాన్యం ఇస్తోందని జగన్ ఆరోపించారు. తమ స్వంత పంటలను ట్రాక్టర్లతో దున్నివేసే దుస్థితికి రైతులు చేరుకున్నారని పేర్కొన్నారు. ఇలాంటి సమయంలో కూడా ప్రభుత్వం గంభీరంగా వ్యవహరించకుండా కేవలం మాటలతోనే సరిపెడుతోందని మండిపడ్డారు.

రైతుల సమస్యలపై చర్చ జరగకుండా దారి మళ్లించే ప్రయత్నంగా “రైతన్నా.. మీకోసం” అనే కార్యక్రమాలను ప్రభుత్వం ప్రచార స్టంట్లుగా మార్చిందని ఆరోపించారు. గత 18 నెలల్లో రైతులను ఆదుకునేందుకు ప్రభుత్వం తీసుకున్న చర్యలు ఏవీ కనిపించలేదని ప్రశ్నించారు.

ఇన్పుట్ సబ్సిడీలు ఇవ్వకపోవడం, ధరల స్థిరీకరణ నిధులు విడుదల చేయకపోవడం వల్ల రైతులు మరింత నష్టపోతున్నారని అన్నారు. వరి, మొక్కజొన్న, పత్తి, మిర్చి, ఉల్లి వంటి పంటల ధరలు భారీగా పడిపోయినా ప్రభుత్వం మౌనంగా ఉందని విమర్శించారు.

ఉచిత పంటల బీమా రద్దు చేయడం, ప్రకృతి వైపరీత్యాలతో నష్టపోయిన రైతులకు పరిహారం చెల్లించడంలో నిర్లక్ష్యం వహించడం తీవ్ర అన్యాయమని జగన్ పేర్కొన్నారు. గతంలో రైతులకు ఇచ్చిన భరోసా, రక్షణలను ప్రస్తుత ప్రభుత్వం నిర్వీర్యం చేసిందని ఆరోపించారు.

అలాగే ఎన్నికల సమయంలో రైతులకు చేసిన హామీలను పూర్తిగా విస్మరించారని, సంవత్సరానికి రూ.20 వేల సహాయం ఇస్తామన్న హామీ అమలు కాలేదని స్పష్టం చేశారు. అన్నదాతలు దళారీల ఆధీనంలోకి వెళ్లేలా ప్రభుత్వ విధానాలు మారాయని విమర్శించారు.

ప్రభుత్వం ఇప్పటికైనా రైతుల సమస్యలపై తక్షణ చర్యలు తీసుకోవాలని, లేకపోతే రైతులు, రైతు సంఘాలు పెద్ద ఎత్తున పోరాటాలకు సిద్ధమవుతున్నాయని జగన్ హె

చ్చరించారు.

బెంగళూరులో సర్జ్ ఈక్వెస్ట్రియన్ లీగ్‌ ముగింపు వేడుకలు – హాజరైన వైఎస్ జగన్, కేటీఆర్

YSR Praja News Telugu : బెంగళూరు: అంతర్జాతీయ స్థాయిలో నిర్వహించిన ‘ది సర్జ్ ఈక్వెస్ట్రియన్ లీగ్’ చివరి దశ పోటీలు ఘనంగా ముగిశాయి. బెంగళూరులోని సర్జ్ స్టేబుల్స్ వేదికగా శనివారం సాయంత్రం గుర్రపు స్వారీ ఫైనల్ పోటీలు ఎంతో ఆసక్తికరంగా సాగాయి.

ఈ వేడుకలకు ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్రెడ్డి, బీఆర్ఎస్ వర్కింగ్ ప్రెసిడెంట్ మరియు మాజీ మంత్రి కె.తారకరామారావు ముఖ్య అతిథులుగా హాజరయ్యారు. పోటీల అనంతరం నిర్వహించిన అవార్డు ప్రధానోత్సవంలో పాల్గొని విజేతలకు బహుమతులు అందజేశారు.

ఈ కార్యక్రమం రాష్ట్రాల మధ్య క్రీడా స్ఫూర్తిని పెంపొందించడంలో కీలకంగా నిలిచిందని నిర్వాహకులు తెలిపారు. భవిష్యత్తులో మరిన్ని అంతర్జాతీయ స్థాయి పోటీలకు సర్జ్ స్టేబుల్స్ వేదికగా మార్చేందుకు కార్యాచరణ సిద్ధం చేస్తున్నట్లు వారు వెల్లడించారు.

నోటరీ వ్యవస్థకు ప్రక్షాళన: అనర్హుల తొలగింపు, కొత్త నియామకాలకు ప్రభుత్వం సిద్ధం

YSR Praja News : హైదరాబాద్: రాష్ట్రంలో నోటరీ వ్యవస్థను పటిష్టం చేసేందుకు స్టాంపులు, రిజిస్ట్రేషన్ల శాఖ కీలక చర్యలు చేపట్టింది. వ్యవస్థలో అక్రమాలు, ఫిర్యాదులు పెరుగుతుండటంతో ప్రక్షాళన కార్యక్రమానికి శ్రీకారం చుట్టింది. ఈ క్రమంలో అనర్హులైన నోటరీలను తొలగించి, అర్హులైన కొత్తవారిని నియమించేందుకు ప్రభుత్వం సిద్ధమవుతోంది.

ప్రజల దైనందిన జీవితాల్లో కీలకమైన పత్రాలకు చట్టబద్ధత కల్పించే నోటరీ వ్యవస్థపై ఇటీవలి కాలంలో అనేక ఫిర్యాదులు వచ్చాయి. దీంతో మంత్రి పొంగులేటి శ్రీనివాస్‌రెడ్డి సంబంధిత అధికారులను పారదర్శక విధానాన్ని అమలు చేసేందుకు ఆదేశాలు జారీ చేశారు.

ప్రస్తుతం రాష్ట్రంలో దాదాపు 2,150 మందికి పైగా నోటరీలు పనిచేస్తున్నారు. వీరు కుల, ఆదాయం, చిరునామా మార్పులు, తప్పుల సవరణ వంటి అంశాలకు సంబంధించిన అఫిడవిట్లు జారీ చేస్తున్నారు. కొంతమంది ఆస్తి హక్కుల బదిలీ పత్రాలను కూడా నోటరైజ్ చేయడంతో ప్రభుత్వ ఆదాయానికి గండి పడుతున్నట్లు అధికారుల దృష్టికి వచ్చింది.

కొందరు నోటరీలు లైసెన్స్ గడువు ముగిసిన తర్వాత కూడా రెన్యువల్ చేయకుండా పత్రాలను నోటరైజ్ చేస్తున్నట్లు సమాచారం. అంతేకాదు, సుమారు 800 మంది వరకు నోటరీలు క్రియాశీలంగా లేరని అంచనా వేస్తోంది శాఖ.

ఈ పరిస్థితుల్లో నోటరీ వ్యవస్థను సమగ్రంగా పునర్నిర్మించేందుకు ప్రభుత్వం చర్యలు చేపట్టింది. ఇందులో భాగంగా రాష్ట్రంలోని నోటరీల వివరాలను ఆన్‌లైన్‌లో నమోదు చేస్తున్నది. ప్రతి జిల్లా, మండలం, ప్రాంతానికి సంబంధించిన నోటరీల పేర్లు, ఫోన్ నంబర్లు తదితర వివరాలు స్టాంపులు శాఖ వెబ్‌సైట్‌లో అందుబాటులో ఉంచనున్నారు.

అలాగే, పనిచేయని వారు, లైసెన్స్ రెన్యువల్ చేయని వారిని గుర్తించి తొలగించనున్నారు. జిల్లా రిజిస్ట్రార్ల ద్వారా కొత్తగా ఎంతమంది నోటరీలు అవసరమో అంచనాలు తీసుకుంటున్నారు. త్వరలోనే కొత్త నోటరీల నియామకానికి నోటిఫికేషన్ విడుదల చేయనున్నట్లు అధికారులు తెలిపారు.

కాగ్ నివేదికతో కాంగ్రెస్ అప్పుల లెక్కలు బట్టబయలు: కేటీఆర్ ఘాటు వ్యాఖ్యలు

YSR Praja News : హైదరాబాద్:

రాష్ట్ర ఆర్థిక పరిస్థితి, అప్పులకు సంబంధించిన అంశాలపై కాంగ్రెస్ ప్రభుత్వం చెబుతున్న లెక్కలు వాస్తవానికి భిన్నంగా ఉన్నాయని బీఆర్ఎస్ వర్కింగ్ ప్రెసిడెంట్ కేటీఆర్ విమర్శించారు. కాగ్ (CAG) అక్టోబర్ నివేదిక ద్వారా అసలు నిజాలు బయటపడ్డాయని ఆయన పేర్కొన్నారు.

తాజా నివేదికలో రాష్ట్ర ఆస్తులు, అప్పులు, వాటికి చెల్లిస్తున్న వడ్డీల వివరాలు స్పష్టంగా వెల్లడయ్యాయని కేటీఆర్ తెలిపారు. కాంగ్రెస్ నేతలు పదేపదే ‘భారీ వడ్డీ భారం’ అంటూ ప్రచారం చేస్తున్నప్పటికీ, కాగ్ లెక్కలు మాత్రం ఆ వాదనలకు మద్దతు ఇవ్వడం లేదని అన్నారు.

వడ్డీ చెల్లింపులపై స్పష్టత

ఏప్రిల్ 2025 నుంచి అక్టోబర్ 2025 వరకు ప్రభుత్వానికి చెందిన వడ్డీ చెల్లింపుల మొత్తం కేవలం రూ.16,529.88 కోట్లు మాత్రమేనని కేటీఆర్ పేర్కొన్నారు. అంటే నెలకు సగటున రూ.2,361.41 కోట్లు చెల్లించారని వివరించారు. కానీ ముఖ్యమంత్రి రేవంత్ రెడ్డి ప్రతి నెలా రూ.6,000 నుంచి రూ.7,000 కోట్లు వడ్డీలకే ఖర్చవుతోందని చెబుతున్నారని మండిపడ్డారు.

అప్పుల పరిమాణంపై విమర్శలు

పది సంవత్సరాల బీఆర్ఎస్ పాలనలో సుమారు రూ.2.80 లక్షల కోట్ల అప్పులు మాత్రమే తీసుకొచ్చామని, అయితే కాంగ్రెస్ ప్రభుత్వం కేవలం 23 నెలల్లోనే దాదాపు రూ.2.30 లక్షల కోట్ల అప్పులు చేసిందని కేటీఆర్ ఆరోపించారు.

ప్రభుత్వం చేస్తున్న భారీ అప్పుల మొత్తం ఎవరికి ఉపయోగపడుతోందో ప్రజలకు వివరించాల్సిన అవసరం ఉందని ఆయన డిమాండ్ చేశారు. వడ్డీల పేరుతో ప్రజల దృష్టిని మళ్లిస్తూ అబద్ధాలు ప్రచారం చేస్తున్నారని విమర్శలు చేశారు.

ఇలాంటి అంశాల్లో స్పష్టత ఇవ్వకుండా ప్రజలను గందరగోళానికి గురిచేస్తున్నాయని, తాజా కాగ్ నివేదిక కాంగ్రెస్ వాదనలను పూర్తిగా ఖండించిందని కేటీఆర్ స్పష్టం చేశారు.

తిరుమల లడ్డూ విషయంలో తప్పుడు ప్రచారాలు – వైవీ సుబ్బారెడ్డి ఖండన

YSR Praja News : తిరుమల లడ్డూ తయారీలో 2019 నుంచి 2024 వరకు నకిలీ నెయ్యి వాడారన్న ఆరోపణలను మాజీ టీటీడీ చైర్మన్ వైవీ సుబ్బారెడ్డి తీవ్రంగా ఖండించారు. ఈ తరహా వార్తలు పూర్తిగా అవాస్తవమని, తప్పుడు ప్రచారాలతో ప్రజలను తప్పుదారి పట్టిస్తున్నారని ఆయన స్పష్టం చేశారు.

ఈ సందర్భంగా విడుదల చేసిన పత్రికా ప్రకటనలో సుబ్బారెడ్డి మాట్లాడుతూ, ప్రస్తుతం కొనసాగుతున్న SIT విచారణకు పూర్తి సహకారం అందిస్తున్నామని, అవసరమైతే ఎప్పుడైనా విచారణకు హాజరవుతామని తెలిపారు. శాస్త్రీయ ఆధారాలపై విచారణ జరగాలని, కానీ మీడియా లీకులు మరియు రాజకీయ ఉద్దేశాలతో సాగుతున్న ప్రచారాలు ప్రజల్లో అయోమయం సృష్టిస్తున్నాయని ఆవేదన వ్యక్తం చేశారు.

చంద్రబాబే మొదట ఆరోపణలు చేశారని గుర్తు

లడ్డూలో జంతువుల కొవ్వు వాడినట్లు తొలుత చంద్రబాబు నాయుడే నిరాధార ఆరోపణలు చేశారని సుబ్బారెడ్డి గుర్తుచేశారు. అప్పట్లో ఈ అంశాన్ని సుప్రీంకోర్టు దృష్టికి తీసుకెళ్లినట్లు, సీబీఐ పర్యవేక్షణలో SIT ఏర్పాటు చేయాలని కోర్టు ఆదేశించిన విషయాన్ని తెలిపారు.

మొదట వెజిటబుల్ ఫ్యాట్ కలిపారన్నారని, తరువాత జంతు కొవ్వు వాడారంటూ ఆరోపణల రూపాన్ని మార్చారని విమర్శించారు.

ల్యాబ్ రిపోర్టులున్నాయా? SIT అధికారిక ప్రకటన ఇచ్చిందా? అంటూ ప్రశ్నించారు. కేవలం లీకుల పేరిట విష ప్రచారం చేస్తున్నారని మండిపడ్డారు.

అనుమానాస్పదంగా గుర్తించిన నాలుగు నెయ్యి ట్యాంకర్లను అప్పట్లో తిరిగి పంపిదేశామని అధికారులు తెలిపినప్పటికీ, ఇప్పుడు మళ్లీ ఆ నెయ్యి ఎక్కడి నుంచి వచ్చిందని ప్రచారం చేయడం అనుమానాస్పదమని ఆయన వ్యాఖ్యానించారు.

నెయ్యి ధరలపై ఆరోపణలు అవాస్తవం

తాను చైర్మన్‌గా ఉన్న సమయంలో కిలో నెయ్యిని రూ.326 ధరకు కొనుగోలు చేయడం జరిగింది. దానిని నకిలీ అని ప్రచారం చేయడం పూర్తిగా హాస్యాస్పదమని సుబ్బారెడ్డి అన్నారు.

2017-18 సంవత్సరాల్లో రూ.276, రూ.279 ధరలకు కొనుగోలు చేసిన నెయ్యి కూడా అదే లాజిక్ ప్రకారం నకిలీగా పరిగణించాలా? అని ప్రశ్నిస్తూ, అప్పట్లో తయారైన లడ్డూలు కూడా అపవిత్రమా? అంటూ వ్యంగ్యంగా స్పందించారు.

భక్తుల మనోభావాలతో రాజకీయాలు చేయొద్దు

తిరుమల లడ్డూ పవిత్రతను దెబ్బతీసేలా రాజకీయ లాభాల కోసం తప్పుడు ప్రచారాలు చేయడం ఘోరమైన నేరమని సుబ్బారెడ్డి వ్యాఖ్యానించారు. భక్తుల విశ్వాసాలను కూల్చేందుకు ఇది జరుగుతున్న కుట్రగా అభివర్ణించారు.

ఇకపై అయినా ఈ తరహా వదంతులకు ముగింపు పలకాలని, ప్రజలు నిజాలను మాత్రమే నమ్మాలని

ఆయన విజ్ఞప్తి చేశారు.

Anantapur Tour: వైఎస్ జగన్ రేపు అనంతపురం పర్యటన, వివాహ వేడుకకు హాజరు

YSR Praja News : వైఎస్సార్ కాంగ్రెస్ పార్టీ అధ్యక్షుడు, మాజీ ముఖ్యమంత్రి వైఎస్ జగన్ మోహన్ రెడ్డి రేపు (ఆదివారం, నవంబర్ 23) అనంతపురం జిల్లాలో పర్యటించనున్నారు. రాప్తాడు నియోజకవర్గానికి చెందిన మాజీ ఎమ్మెల్యే తోపుదుర్తి ప్రకాష్ రెడ్డి నివాసంలో నిర్వహించనున్న కుటుంబ శుభకార్యానికి ఆయన హాజరు కానున్నారు.

ప్రకాష్ రెడ్డి సోదరుడు రాజశేఖర్ రెడ్డి కుమార్తె వివాహ వేడుకలో పాల్గొని, నూతన వధూవరులకు వైఎస్ జగన్ ఆశీర్వాదాలు అందజేయనున్నారు. ఈ మేరకు వైఎస్సార్సీపీ కేంద్ర కార్యాలయం శనివారం అధికారిక ప్రకటన విడుదల చేసింది. పార్టీ నేతలు, అభిమానులు పెద్ద సంఖ్యలో ఈ కార్యక్రమానికి హాజరవుతారని అంచనా వేస్తున్నారు

నంద్యాలలో అధికార దుర్వినియోగం.. సీఐపై డీపీసీఏ ఆగ్రహం

YSR Praja News :

నంద్యాల: అక్రమ కేసులు బనాయించి వ్యక్తిపై రౌడీషీట్ ఓపెన్ చేసిన ఘటనపై జిల్లా పోలీస్ కంప్లైంట్ అథారిటీ (డీపీసీఏ) తీవ్రంగా స్పందించింది. అధికార దుర్వినియోగానికి పాల్పడ్డ సబ్‌ ఇన్‌స్పెక్టర్‌పై చర్యలు తీసుకోవాలని స్పష్టమైన ఆదేశాలు జారీ చేసింది.

వైఎస్సార్సీపీ రాష్ట్ర సంయుక్త కార్యదర్శి గన్ని కరీం.. తన స్నేహితుడు, అలీనగర్‌కు చెందిన చికెన్ షాప్ నిర్వాహకుడు మెహతర్ జాహీద్‌కు గత ఏడాది రూ.5 లక్షలు అప్పుగా ఇచ్చారు. అప్పు తిరిగి ఇవ్వాలని కోరడంతో ఇద్దరి మధ్య మాటల తగాదా చోటు చేసుకుని స్వల్ప ఘర్షణకు దారితీసింది.

ఈ ఘటనపై అప్పట్లో రెండో పట్టణ సీఐగా పని చేస్తున్న ఇస్మాయిల్‌కు కరీం ఫిర్యాదు చేసినప్పటికీ, పోలీసుల నుంచి స్పందన రాలేదని ఆరోపణలు ఉన్నాయి. మరోవైపు జాహీద్ రాజకీయ బలపాటాన్ని ఆశ్రయించడంతో, స్థానిక పార్టీ కార్యాలయం నుంచి సీఐకి సిఫార్సులు వెళ్లినట్లు సమాచారం.

దీంతో కరీంపై పలు సెక్షన్ల కింద కేసు నమోదు చేసి అరెస్టు చేసిన సీఐ, ఆయనను బనగానపల్లె జూనియర్ సివిల్ జడ్జి ఎదుట హాజరుపరిచారు. అయితే కేసు తీవ్రత తక్కువగా ఉందని భావించిన న్యాయమూర్తి.. కరీంకు స్టేషన్ బెయిల్ మంజూరు చేసి విడుదల చేయాలని ఆదేశించడంతో పోలీసులు వెనక్కి తగ్గాల్సి వచ్చింది.

అనంతరం ఈ వ్యవహారంతో అసంతృప్తి చెందిన సీఐ ఇస్మాయిల్, సోషల్ మీడియాలో ప్రభుత్వ వ్యతిరేక పోస్టులు చేశారన్న ఆరోపణలు, అనుమతి లేకుండా ధర్నాలు నిర్వహించారన్న కారణాలతో కరీంపై రౌడీషీట్ ఓపెన్ చేసినట్లు తెలుస్తోంది.

ఈ చర్యలు అక్రమమని పేర్కొంటూ గన్ని కరీం ఈ ఏడాది జనవరిలో పోలీస్ కంప్లైంట్ అథారిటీని ఆశ్రయించారు. నలుగురు న్యాయమూర్తులతో కూడిన ధర్మాసనం పూర్తి విచారణ చేపట్టి, సీఐ ఇస్మాయిల్ అధికార దుర్వినియోగానికి పాల్పడ్డారని తేల్చింది.

ఈ నెల 14వ తేదీన ధర్మాసనం చైర్మన్ వెంకట రమణారెడ్డి తీర్పు వెలువరించగా, సంబంధిత సీఐపై క్రమశిక్షణా చర్యలు తీసుకోవాలని చీఫ్ సెక్రటరీ, ప్రిన్సిపల్ సెక్రటరీతో పాటు రాష్ట్ర హోంశాఖ కార్యదర్శికి స్పష్టమైన ఆదేశాలు జారీ చేశారు.

పైరసీ నెట్‌వర్క్ గుట్టురట్టు – ఇమ్మడి రవి బ్యాంక్ ఖాతాలపై విచారణ

YSR Praja News : పైరసీ కేసులో ప్రధాన నిందితుడిగా ఉన్న ఇమ్మడి రవికి సంబంధించిన ఆర్థిక లావాదేవీలపై దర్యాప్తు ముమ్మరం అయింది. రవికి సంబంధించిన ఆరు బ్యాంక్ ఖాతాల వివరాలు అందించాలంటూ సీసీఎస్ అధికారులు సంబంధిత బ్యాంకులకు అధికారికంగా లేఖలు రాశారు.

ఇప్పటికే బెట్టింగ్ యాప్‌లను డబ్బుల కోసం ప్రమోట్ చేసినట్లు ఒప్పుకున్న రవి, అయితే 1XBet యాప్‌ నిర్వాహకుల వివరాలు వెల్లడించేందుకు మాత్రం నిరాకరిస్తున్నట్లు సమాచారం. అదే సమయంలో, “మూవీ రూల్జ్” అనే వెబ్‌సైట్ ద్వారా పెద్ద మొత్తంలో సినిమాలు కొనుగోలు చేసినట్లు, వాటికి క్రిప్టో కరెన్సీ ద్వారా చెల్లింపులు చేసినట్లు పోలీసులకు వెల్లడించాడు.

దర్యాప్తులో విస్తుపోయే విషయాలు వెలుగులోకి వస్తున్నాయి. తమిళం, హిందీ వెబ్‌సైట్ల ద్వారా రవి సినిమాలను సేకరించేవాడని అధికారులు గుర్తించారు. ఐబొమ్మ వెబ్‌సైట్‌ను బెట్టింగ్ యాప్‌లకు గేట్‌వేగా ఉపయోగించి, ఆ యాప్‌ల ద్వారా వచ్చిన డబ్బులతోనే సినిమాల కొనుగోళ్లు చేసినట్లు తేలింది.

వ్యూస్ పెంచుకోవడానికి నాణ్యమైన కంటెంట్‌ను వ్యూహాత్మకంగా పోస్టు చేస్తూ, విదేశాల్లో కూడా కార్యకలాపాలను విస్తరించినట్లు తెలుస్తోంది. కరిబియన్ దీవుల్లో కార్యాలయం ఏర్పాటు చేసి, అక్కడ 20 మందికి పైగా యువకులను నియమించుకున్నట్లు అధికారిక వర్గాల సమాచారం.

రెండు రోజుల పాటు జరిగిన విచారణలో రవి నుంచి పరిమిత సమాచారం మాత్రమే సేకరించగలిగిన అధికారులు, ఇప్పుడు అతడు నిర్మించిన నెట్‌వర్క్‌పైనే ప్రధానంగా దృష్టి సారించారు. సినిమాలను సరఫరా చేస్తున్న వ్యక్తులు, సహకరిస్తున్న మధ్యవర్తులు, గేమింగ్ యాప్‌ల నిర్వాహకులతో ఉన్న సంబంధాలపై లోతైన దర్యాప్తు కొనసాగుతోంది.

Reliance Industries రష్యా చమురు దిగుమతులకు బ్రేక్ – జామ్‌నగర్ రిఫైనరీలో కీలక మార్పులు

YSR Praja News : న్యూఢిల్లీ: గుజరాత్‌లోని జామ్‌నగర్‌లో ఉన్న తమ ఎగుమతి కేంద్రిత రిఫైనరీ యూనిట్‌కు సంబంధించి రష్యా నుంచి చమురు దిగుమతులను రిలయన్స్ ఇండస్ట్రీస్ తాత్కాలికంగా నిలిపివేసినట్లు ప్రకటించింది. యూరోపియన్ యూనియన్ విధించిన ఆంక్షలను గౌరవిస్తూ ఈ నిర్ణయం తీసుకున్నట్లు కంపెనీ వర్గాలు వెల్లడించాయి.

ఇప్పటివరకు తక్కువ ధరలకు పెద్ద మొత్తంలో రష్యా చమురును దిగుమతి చేసుకున్న సంస్థల జాబితాలో రిలయన్స్ ముందు వరుసలో నిలిచిన విషయం తెలిసిందే. జామ్‌నగర్ కాంప్లెక్స్‌లో రిలయన్స్‌కు రెండు ప్రధాన రిఫైనరీ యూనిట్లు ఉన్నాయి. వీటిలో ఒకటి ప్రత్యేక ఆర్థిక మండలి (SEZ) పరిధిలో పనిచేస్తోంది. ఈ యూనిట్ ద్వారా రష్యా చమురును శుద్ధి చేసి యూరప్, అమెరికా సహా ఇతర దేశాలకు ఎగుమతులు చేస్తూ వచ్చారు.

ప్రతిరోజూ సుమారు 1.7 నుంచి 1.8 మిలియన్ బ్యారెళ్ల చమురును రష్యా నుంచి దిగుమతి చేసుకుంటూ వచ్చినట్టు సమాచారం. మరో యూనిట్‌ను మాత్రం దేశీయ అవసరాల కోసం వినియోగిస్తున్నారు.

ఇప్పటికే రష్యా చమురు మరియు దాని ఆధారిత ఉత్పత్తులపై యూరోపియన్ యూనియన్ ఆంక్షలు విధించడంతో, నవంబర్ 20 నుంచి రష్యా చమురు కొనుగోళ్లను నిలిపివేసినట్టు కంపెనీ అధికార ప్రతినిధి వెల్లడించారు. గతంలో కొనుగోలు చేసిన క్రూడ్ ఆయిల్ నిల్వలను పూర్తిగా రిఫైనింగ్ చేసిన తర్వాత, రష్యాయేతర దేశాల చమురునే వినియోగిస్తామని స్పష్టం చేశారు.

డిసెంబర్ 1 నుంచి SEZ యూనిట్ ద్వారా ఎగుమతి చేసే ఉత్పత్తులు పూర్తిగా రష్యాయేతర చమురుతో తయారైనవే అవుతాయని అధికారులు తెలిపారు. అలాగే 2026 జనవరి 1 నుండి యూరప్ ఆంక్షలు పూర్తిస్థాయిలో అమల్లోకి రానున్న నేపథ్యంలో, ముందుగానే ప్రత్యామ్నాయ మార్గాలకు మారే ప్రక్రియను పూర్తి చేయనున్నట్లు కంపెనీ స్పష్టం చేసింది.