YSR Praja News : తాండూర్: ప్రభుత్వ భూములను అక్రమంగా రిజిస్ట్రేషన్ చేసి కబ్జా చేసుకున్న వారి పట్ల అలాగే వారికి సహకరించిన అధికారులపై కఠిన చర్యలు తీసుకోవాలని ప్రజా సంఘాలు డిమాండ్ చేశాయి. ఈ మేరకు తాండూర్ నియోజకవర్గ ప్రజా సంఘాల ఆధ్వర్యంలో ప్రతినిధులు సోమవారం తాండూర్ సబ్–కలెక్టర్ కార్యాలయాన్ని సందర్శించి పిర్యాదు అందజేశారు.
ఈ సందర్భంగా సీఐటీయూ జిల్లా ప్రధాన కార్యదర్శి కే. శ్రీనివాస్, తెలంగాణ మైనార్టీ హక్కుల పోరాట సమితి రాష్ట్ర అధ్యక్షులు అబ్దుల్ వాహాబ్, వ్యవసాయ కార్మిక సంఘం జిల్లా అధ్యక్షులు యు. బుగ్గప్ప, ఎస్సీ–ఎస్టీ–బీసీ–మైనార్టీ హక్కుల పోరాట సమితి జిల్లా అధ్యక్షులు కే. చంద్రయ్య, తెలంగాణ మైనార్టీ హక్కుల పోరాట సమితి తాండూర్ నియోజకవర్గ ఇన్చార్జి సాధిక్ తదితరులు మాట్లాడుతూ—
గతంలో తాండూర్‌లో పనిచేసిన ఆర్డీవో ఇన్‌ఛార్జి, మున్సిపల్ అధికారుల సహకారంతో ప్రభుత్వ భూములు అక్రమంగా రిజిస్ట్రేషన్ అయ్యాయని
అక్రమకారుల నుంచి భూములను వెంటనే ప్రభుత్వ స్వాధీనంలోకి తీసుకోవాలని
సబ్–కలెక్టర్ పరిధిలోని భూముల రక్షణలో అధికారులు పూర్తిగా వైఫల్యం చెందారని
విమర్శించారు.
అలాగే తాండూర్ నడిబొడ్డున ప్రభుత్వ భూములను అక్రమంగా రిజిస్ట్రేషన్ చేసిన సబ్–రిజిస్ట్రార్, తాండూర్ డివిజన్ ఆర్డీవో గా పనిచేసిన ఇన్‌ఛార్జి, మున్సిపల్ కమిషనర్‌లపై చట్టపరమైన చర్యలు తీసుకోవాలని డిమాండ్ చేశారు.
రియల్ ఎస్టేట్ వ్యాపారుల కోసం అగ్గనూరు గ్రామంలోని కల్వాటు భూమిని కబ్జా చేసి, రైతులకు దారి లేకుండా చేసినవారిపై వెంటనే చర్యలు తీసుకోవాలని కోరారు. డిమాండ్లను పట్టించుకోకపోతే పెద్ద ఎత్తున ఆందోళనలు చేపడతామని హెచ్చరించారు.
ఈ కార్యక్రమంలో కెవిపిఎస్ నేతలు, తాండూర్ డివిజన్ నాయకులు రాజు, గోపాల్, రఘుపతి తదితరు
లు పాల్గొన్నారు.
