YSR Praja News : గుంటూరు: వైఎస్సార్సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి పార్టీ కీలక నేతలతో భేటీ కానున్నారు. తాడేపల్లిలోని పార్టీ కేంద్ర కార్యాలయంలో జరుగనున్న ఈ సమావేశానికి జిల్లా అధ్యక్షులు, రీజనల్ కో-ఆర్డినేటర్లు, పార్లమెంట్ నియోజకవర్గ పరిశీలకులు హాజరయ్యారు.
తాజా రాజకీయ పరిణామాలు, పార్టీ బలోపేతం, భవిష్యత్ వ్యూహాలపై ఈ భేటీలో చర్చ జరగనుంది. అదేవిధంగా, రాష్ట్రంలో జరుగుతున్న నకిలీ మద్యం వ్యవహారాలు, మెడికల్ కాలేజీల ప్రైవేటీకరణపై ప్రభుత్వం తీసుకున్న నిర్ణయంపై కూడా వైఎస్సార్సీపీ తీరుతెన్నులు ఈ భేటీలో తేలనున్నాయి.
జగన్ హయాంలో ప్రారంభమైన ప్రభుత్వ మెడికల్ కాలేజీలను ప్రైవేటీకరించాలన్న చంద్రబాబు ప్రభుత్వ నిర్ణయాన్ని పార్టీ తీవ్రంగా వ్యతిరేకిస్తోంది. ప్రజా పోరాటానికి పిలుపునిచ్చిన వైఎస్సార్సీపీ, ఈ నేపథ్యంలో ఉద్యమ కార్యక్రమాలకు రూపురేఖలు సిద్ధం చేస్తోంది.
ఈ క్రమంలో వైఎస్ జగన్ అక్టోబర్ 9న అనకాపల్లి జిల్లాలో పర్యటించనున్నారు. మాకవరం మెడికల్ కాలేజీని సందర్శించి, అక్కడ ప్రైవేటీకరణ వ్యతిరేక పోరాటానికి నాంది పలకనున్నా
రు.
