జాతీయ వార్తలు / National News బ్రేకింగ్ న్యూస్ / Breaking News రాజకీయాలు / Politics వికారాబాద్ న్యూస్ / Vikarabad News

జమిలి ఎన్నికలకు రాష్ట్రాల ఆమోదం అవసరం లేదని లా కమిషన్ స్పష్టం

ysrprajanewsDecember 6, 2025

YSR Praja News : జమిలి ఎన్నికలకు రాష్ట్రాల ఆమోదం అవసరం లేదంటూ లా కమిషన్‌ స్పష్టం
ఒక దేశం – ఒకేసారి ఎన్నికలు సాధ్యమే : జేపీసీకి లా కమిషన్ నివేదిక సూచనలు
దేశంలో ‘ఒక దేశం – ఒకేసారి ఎన్నికలు’ లక్ష్యంతో తీసుకువస్తున్న జమిలి ఎన్నికల బిల్లులపై రాష్ట్రాల శాసనసభల ఆమోదం అవసరం లేదని లా కమిషన్ అభిప్రాయపడింది. రాజ్యాంగ నిర్మాణంలో ఎలాంటి మౌలిక మార్పులు ఇవి చేయబోవని, సమాఖ్య వ్యవస్థకు భంగం కలిగేలా నిబంధనలు సవరించడంలేదని స్పష్టం చేసింది.
గురువారం పార్లమెంటు సంయుక్త కమిటీ (జేపీసీ) మరియు లా కమిషన్ మధ్య జరిగిన సమావేశంలో ఈ విషయాలను 23వ లా కమిషన్ చైర్మన్ జస్టిస్ దినేశ్ మహేశ్వరి వివరించారు. జమిలి ఎన్నికలకు సంబంధించిన ప్రతిపాదనలపై ఇప్పటికే న్యాయ నిపుణులు, సంస్థలు, రాజకీయ పార్టీలతో జేపీసీ పలు దశల్లో చర్చలు నిర్వహించిన విషయం తెలిసిందే.
ఇంకా రెండు నెలల పాటు మరిన్ని వర్గాలతో సంప్రదింపులు జరిపిన తర్వాత పూర్తి నివేదికను తుదిరూపు దిద్దనున్నట్లు కమిటీ నివేదికలో పేర్కొనబడింది. వచ్చే బడ్జెట్ సమావేశాలకల్లా పార్లమెంటులో నివేదికను సమర్పించే అవకాశం ఉన్నట్లు సమాచారం.
రాజ్యాంగంలోని 368వ అధికరణ పరిధిలో ఈ మార్పులు వస్తుండటంతో రాష్ట్ర శాసనసభల ఆమోదం అవసరం ఉండదని లా కమిషన్ స్పష్టం చేయడం రాజకీయంగా కీలకంగా మారింది. దేశవ్యాప్తంగా ఒకేసారి ఎన్నికలకు మార్గం సుగమమవుతుందా? అనే ప్రశ్నపై ఇప్పుడు రాజకీయ వర్గాల్లో చర్చలు వేడెక్కుతున్నాయి

Leave a Reply Cancel reply