YSR Praja News : తిరుపతి:
వైఎస్సార్సీపీ ఎంపీ మిథున్ రెడ్డి (MP Mithun Reddy) స్పష్టంచేశారు – “అక్రమ కేసులతో నేను భయపడను. టీడీపీ ప్రభుత్వం నాపై తప్పుడు కేసులు పెట్టింది, కానీ నన్ను దిగజార్చలేకపోయింది” అన్నారు.
తాజాగా తిరుపతిలో మీడియాతో మాట్లాడిన ఆయన, జైలులో గడిపిన రోజుల గురించి ప్రస్తావించారు. “నన్ను అరెస్టు చేసి నా కుటుంబాన్ని మానసిక వేదనకు గురి చేశారు. దాదాపు 73 రోజులు జైలులో ఉంచి టెర్రరిస్టు మాదిరిగా ప్రవర్తించారు. ఎవరితోనూ మాట్లాడనివ్వలేదు, సీసీ కెమెరాలతో నిఘా పెట్టారు. విజయవాడ నుంచి అధికారులు మానిటరింగ్ చేశారు. ఇది ప్రజాస్వామ్యంలో అనర్హమైన విధానం” అని ఆయన వ్యాఖ్యానించారు.
అలాగే, “2014-2019 మధ్య కూడా టీడీపీ అధికారంలో ఉన్నప్పుడల్లా నాపై తప్పుడు కేసులు పెట్టారు. ఇది డైవర్షన్ రాజకీయాలకు నిదర్శనం మాత్రమే. నన్ను ఇబ్బందులకు గురిచేయడం ద్వారా ప్రజల్లో సానుభూతి తప్ప ఇంకేమీ సాధించలేరు” అని చెప్పారు.
కష్టసమయంలో తనకు అండగా నిలిచిన వైఎస్సార్సీపీ అధినేత వైఎస్ జగన్ (YS Jagan) గారికి కృతజ్ఞతలు తెలిపారు.
