YSR Praja News : విజయనగరం జిల్లా సైనిక్ వెల్ఫేర్ కార్యాలయంలో చోటుచేసుకున్న వివాదంపై ఆంధ్రప్రదేశ్ హైకోర్టు తీవ్ర ఆక్షేపనలు వ్యక్తం చేసింది. సహచర అధికారిపై మరొక అధికారి దురుసుగా ప్రవర్తించడమే కాక, కోర్టు ఆదేశాలను ఉల్లంఘిస్తూ పదవీ బాధ్యతలు స్వాధీనం చేసుకోవడానికి ప్రయత్నించడం ఆమోదయోగ్యమేమీ కాదని ధర్మాసనం స్పష్టం చేసింది.
కోర్టు అభిప్రాయపడ్డది ఏమిటంటే—21వ శతాబ్దంలో ప్రజాస్వామ్య పరిపాలనలో ఇలాంటి అశిస్తు, దౌర్జన్య ప్రవర్తన చోటుచేసుకోవడం ఆశ్చర్యకరమని, అధికార యంత్రాంగంపై ప్రజల నమ్మకాన్ని దెబ్బతీసే చర్యలకు ప్రభుత్వ వ్యవస్థలో స్థానం లేదని హెచ్చరించింది.
ఈ వివాదంపై పూర్తి స్థాయి విచారణ అవసరమని భావించిన ధర్మాసనం, విజయనగరం కలెక్టర్, జిల్లా ఎస్పీ, వందేవలి పోలీస్ స్టేషన్ ఇన్స్పెక్టర్‌లను సుమోటో ప్రతివాదులుగా కేసులో చేర్చింది. అలాగే, మూల రికార్డులన్నింటినీ హైకోర్టు సమక్షంలో సమర్పించాలి అని సైనిక్ వెల్ఫేర్ డైరెక్టరేట్‌కు ఆదేశాలు వెలువరించింది.
అనంతరం, తదుపరి విచారణను డిసెంబర్ 2కి వాయిదా వేసింది.
—
🔹 నేపథ్యం: బదిలీ, నియామకాల్లో గందరగోళం
విజయనగరం జిల్లా సైనిక్ వెల్ఫేర్ ఆఫీసర్‌గా పనిచేస్తున్న మజ్జి కృష్ణారావును తాజాగా కాకినాడకు బదిలీ చేశారు.
ఆయన స్థానంలో కేవీఎస్ ప్రసాదరావును నియమించారు.
అయితే కృష్ణారావు కొత్త బాధ్యతలు స్వీకరించలేదు, కాకినాడలో జాయిన్ కాలేదు.
మంత్రి జోక్యం నేపథ్యంలో హోంమంత్రిత్వ శాఖ ఆయనను అదే జిల్లాలో కొనసాగించేలా ప్రత్యేక ప్రొసీడింగ్స్ జారీ చేసింది.
ఈ ఆదేశాలు అమలుకాకపోవడంతో, కృష్ణారావు కోర్టును ఆశ్రయించి సింగిల్ జడ్జి ఉత్తర్వులు తీసుకున్నారు. అదే ఉత్తర్వులను ప్రసాదరావు సవాలు చేస్తూ డివిజన్ బెంచ్ ముందు అర్జీ దాఖలు చేశారు.
—
🔹 ‘20 మందితో వచ్చి బయటకు తోశాడు’ — కోర్టు దృష్టిలోకి వచ్చిన ఘటన
ప్రసాదరావు తరఫు న్యాయవాదులు వెల్లడించిన వివరాల ప్రకారం—
మజ్జి కృష్ణారావు 20 మందితో కలిసి కార్యాలయానికి వచ్చి
ప్రసాదరావును బలవంతంగా గది నుంచి బయటకు పంపించారని
ఈ ఘటనపై పోలీసులకు ఫిర్యాదు చేసినట్లు తెలిపారు.
ధర్మాసనం దీనిని అత్యంత సీరియస్‌గా పరిగణించింది.
—
🔹 ‘నియమాలు పాటించకుండా జరిగిన పని’ — కోర్టు పరిశీలన
విచారణలో ప్రభుత్వం కూడా అంగీకరించింది—
బదిలీ అయిన అధికారిని విధిగా ‘రిలీవింగ్ ఆర్డర్స్’ ఇవ్వాల్సి ఉందని
కానీ ఈ కేసులో ఆ ప్రక్రియను పాటించలేదని
స్టేట్ & సబార్డినేట్ సర్వీస్ రూల్స్ ఉల్లంఘించబడినట్లు కోర్టు స్పష్టంగా గుర్తించింది.
—
🔹 కోర్టు తుది మధ్యంతర ఆదేశాలు
కేవీఎస్ ప్రసాదరావే ప్రస్తుతం చట్టబద్ధమైన జెర్ఎస్‌డబ్ల్యూఓ అని ధర్మాసనం స్పష్టం చేసింది.
తదుపరి ఆదేశాలు వచ్చే వరకు అయననే పదవిలో కొనసాగించాలని హోంశాఖ ముఖ్య కార్యదర్శి, సైనిక్ వెల్ఫేర్ శాఖను ఆదేశిం
చింది.
మొత్తం వ్యవహారంపై పూర్తి విచారణ చేస్తామని పేర్కొంది.
