YSR Praja News : హైదరాబాద్:తెలంగాణ రాష్ట్ర గవర్నర్ అధికారిక నివాసం అయిన ‘రాజ్ భవన్’ కొత్త పేరుతో ముందుకు సాగుతోంది. ఇకపై దాన్ని ‘లోక్ భవన్’గా సూచించాలని గవర్నర్ జిష్ణు దేవ్ వర్మ కార్యాలయం ప్రకటించింది. మంగళవారం విడుదల చేసిన ప్రకటనలో ఈ విషయాన్ని అధికారికంగా వెల్లడించారు.
దేశవ్యాప్తంగా గవర్నర్ నివాసాల కోసం ఒకే విధంగా నామకరణం ఉండేలా కేంద్ర ప్రభుత్వం జారీ చేసిన నోటిఫికేషన్ ప్రకారం పేరుమార్పు చేపట్టినట్లుగా అధికారులు తెలిపారు. ఈ పరిణామంతో రాజ్ భవన్ పేరును ప్రతిష్ఠాత్మకంగా ధరిస్తున్న ప్రవేశ ద్వారం వద్ద ఉన్న బోర్డులపై కూడా మార్పులు చేసి ‘లోక్ భవన్’ అని నమోదు చేశారు.
కొత్త పేరుతో వ్యవహారాలు ప్రారంభమవుతున్న నేపథ్యంలో, భవిష్యత్తులో ప్రభుత్వ పత్రాలు, ఆహ్వానాలు, అధికారిక కార్యక్రమాలన్నీ ఈ కొత్త పేరుతోనే సాగనున్నాయని సర్కిల్లో సమాచారం. రాష్ట్ర పరిపాలనా వ్యవస్థలో ఈ నామకరణ మార్పు చర్చనీయాంశంగా మారిం
ది.
