YSR Praja News : తాడేపల్లి: మాజీ ఎమ్మెల్యే టీజేఆర్ సుధాకర్ బాబు అధికార దాహంతో చంద్రబాబు అతి దిగజారిన రాజకీయాలు చేస్తున్నారని తీవ్రంగా ఆక్షేపించారు. రాష్ట్రంలో చట్ట వ్యవస్థ, రాజ్యాంగ విలువలు సైతం చంద్రబాబు – లోకేష్ చేతిలో మసకబారుతున్నాయన్నారు.
మీడియాతో మాట్లాడుతూ సుధాకర్ బాబు…
> “అధికారాన్ని శాశ్వతం అనుకునే పొరపాటు చంద్రబాబు చేస్తున్నారు. పోలీసు శాఖను రాజకీయ ప్రయోజనాలకు వాడుతున్నారు. పల్నాడులో జరిగిన జంట హత్యల కేసును నిజాలను పక్కన పెట్టి పిన్నెల్లి సోదరులపై బనాయించడం ప్రజాస్వామ్యానికి అవమానం” అని విరుచుకుపడ్డారు.
టీడీపీ నేతల మధ్య గొడవల్లోనే జరిగిన హత్యలను కూడా వైఎస్సార్సీపీ కార్యకర్తలపై మోపే ప్రయత్నం జరుగుతోందని ఆరోపించారు.
జోగి రమేష్ సోదరులపై పెట్టిన కేసులు కూడా అక్రమమేనని, ములకలచెరువు నకిలీ మద్యం కేసులో సంబంధం లేకున్నా ఇరికించారని విమర్శలు గుప్పించారు.
అలాగే…
స్కిల్ డెవలప్మెంట్ కేసులో కోర్టు హెచ్చరికల్ని పట్టించుకోకుండా బయట తిరుగుతున్నారు
అధికారాన్ని కవచంగా వాడుకుంటూ కేసులను మాఫీ చేయించుకుంటున్నారు
ప్రతిరోజూ వైఎస్సార్సీపీ నేతలను అరెస్టు చేస్తూ దృష్టి మళ్లింపు రాజకీయాలు చేస్తున్నారు
అని మండిపడ్డారు.
రాయలసీమలో శాంతి భద్రతలు జగన్ ప్రభుత్వంలో మెరుగయ్యాయని, అయితే చంద్రబాబు మళ్ళీ వచ్చాకే ఫ్యాక్షన్ వాతావరణం తెరపైకి వచ్చిందని వ్యాఖ్యానించారు.
చివరిగా ఆయన ఎద్దేవా చేస్తూ…
> “డిప్యూటీ సీఎం సినిమాకు ధర పెంచుతారు, బాలకృష్ణ సినిమా వస్తే మరో రేటు పెంచుతారు… రేపు లోకేష్ సినిమా పడితే ఏం చేస్తారు? ఇదే అధికార దుర్వినియోగం కాదా?” అని ప్రశ్నించారు.
వైఎస్సార్సీపీ నాయకులపై అక్రమ వేధింపులు చేస్తే న్యాయపోరాటం తప్పదని హెచ్చరించారు.
